Perfecto Imperfecto

I.
Isang galos,
      sa bukung-bukong;
Dalawang peklat,
      sa magkabilang tuhod.
Poknat sa kilay
      laslas sa binti
            bakas ng bulutong
                  tahi sa talampakan (pesteng kulugo!)
                        at sandamukal na pelegis sa mukha...
San ka pa?

II.
Sosyalan
      Inuman
            Mingle mingle
                  Tete a tete
                        Ano pa?
Puta!
Sosyalang walang patumangga
      Plastikan!
Gastos na malaki,
      Yabang lang ang silbi.

III.
Nang dahil sa pera…
Naantala
      Nabitin
            Lintik na kapitalistang burukrasya!
                  Nagpakaalipin
                        Nagpakaputa!
Kursong pangmadla
      Iskolar ng Bayan;
College drop out?
      Huwag naman sana;

IV.
Pestihong korporasyong Kano,
      Mapanlinlang.
Urbanong pamumuhay
      Pain lamang.
Magarang tanggapan
      Kahalihalinang benepisyo
            Kulturang bago
                  Pananalitang huwad
                        Lahat banyaga!
Mga ampaw naman ang tauhan!

Teka, quarter-life crisis ba ito?